وسط الضلمه وسط الخوف
وقلب رؤوف ضعيف ملهوف
ظهرت نجمه تشق الليل
قالوا دي جايه . ليكي دليل
قلت . لإمتي ؟
دا ليلي طويل
قالوا . هيا معاكٍ
رفيق وخليل
و سط صراعكٍ
و سط آلامكٍ
و سط الزحمه
و سط حياتكٍ . بكل الويل
قلت . أنا فعلا محتاجه ليها
قالوا . دي نجمه جميله
روحي شوفيها
وصلي بسرعه وإتمنيها
يلا أهي جايه عليكي سريعه
و فجأه . قالوا دي فيها حريقه
قلت . بسرعه أنا راح أطفيها
لأجل ما تفضل ليا دليل
يمكن تمحي ظلام الليل
وترجعنا خليل وخليل
ودايما نبقي قريب من بعض
وتعدي حياتنا بالطول والعرض
قالوا . طيب حافظي عليها
قلت . في قلبي راح أخبيها
وبروحي .. أنا هاأحميها
وأحضنها بصدري وأنميها
لآجل ماأعدي أنا بيها
طريق الشر
وما يجي يوم
وأكون مضطر
اني أمشي فيه وأتغر
