ياحزن
بقلم
ايمن البلاط
ليه ياحزن معشش جوا قلوبنا
ابعد واهجر
كل طروقنا ودروبنا
خصمنا ياحزن
وبلاش تلازمنا ف كل مكان
عايزين نفرح يومين
ونبعد عن الأحزان
الفرح بينا وبينه طار
وهاجرنا بقاله سنين
هو البخت مايل
طيب نلوم على مين
نلوم على زمن غدار
ولا على الليمين
يااهل الهوى دلونى
الفرح طريقه فين
لو تعرفو سكته
قولوا بس منين
وانا اشق جبال الصخر
واسقيها بدمع العين
واكحل رموشى بسحاب السماء
واكون وفيت الدين
ياحزن ابعد حبه
وارحم قلوب مساكين
داحنا تعبنا معاك
مودينا معاك على فين
تهنا معاك فى الزحمه
ولا بمزاجنا تايهين
يمكن خدنا عليك
وعلى بعدك مش قدرين
ياحزن ابعد حبه
وارحم قلوب مساكين
بقلم
ايمن البلاط
