بدأت معايا رحلتي
و يا رب وفق خطوتي
رحله و كانت علي النيل
رحله و المنظر فيها جميل
رحله و بدأت م البحيره
عديت بعدها علي كام جزيره
منها فيله الشهيره
عديت علي ابو سمبل كمان
روعه و المنظر جنان
و كان معايا سياح ألمان
اللغه و معرفش فيها
و كان معاهم ترجمان
كل حاجه أيئل عليها
يرد زي البغبغان
و صلبنا لقصر و نزلو هما
و نزلت أنا معاهم كمان
روحنا غلي وادي الملوك
الناس جميله و بيحبوك
زورنا فيها كل المقابر
منظرها كان روعه يا ناظر
روحنا كمان معبد لحتشبسوت
معبد و في الجبل منحوت
عدينا علي مدينة هابو
و الكل أشتري ذكري لأحبابو
رجعنا للبر التاني
و الرحله حلوه و عجباني
دخلنا في معبد الاقصر
سيدي أبو الحجاج الله أكبر
و مشينا في طريق الكباش
حاجه جميله متنسهاش
طريق و رابط بين معبدين
فيه الكباش علي الجنبين
وصلنا معبد الكرنك
فيه المشاعر تتحرك
و رجعنا للمتحف تاني
حاجه جميله و عجباني
روحنا علي وادي الملكات
كليوبترا اجمل الجميلات
و رجعنا تاني للمينا
علشان نسافر بسفينه
وصلنا بلد القلل القناوي
سيدي عبد الرحيم يا قناوي
عدينا علي الجميله دندره
حاجه جميله و مفخره
في السكه شوفنا نجع حمادي
و الله جميله يا بلادي
الجزء الاول من الرحله