لتكونى بتودعيني ..
من لحظة
حاسس بدا
النظرة نظرة
وداع ..
والدمعة
قطرة ندى
وعينيكي
بتقول كدا
..........
ليكون سكوتك
كلام ..
مفروض
إني أفهمه ..
ويكونلي دمعك
سلام ..
وعينيكى
بترسمه
مجاوبني رغم
السكات ..
شيئ فيكى
بكلمه
النظرة نظرة
وداع ..
والدمعة
قطرة ندى
وعينيكى
بتقول كدا
..........
طب ماتقولى إنك بتودعيني ..ليه بتدارى ..هوه إنتى خايفة من إيه ..دا مافيش بعد الفراق خوف ..بس فيه موت ..أيوة موت ..وهية الحياه كانت مستمرة إلا في وجودك ..معلش لو زودت حزنك بكلامي ..ماأنا على قد حبي ليكى ..بتكلم ..وأنا ..بحبك قوي ..صدقيني ..بحبك قوي