إشطبيني
*******
إشطُبيني
إشطُبيني من حياتك
وإشطُبي كُل أمالك
إللي ياما إتمنِتيها
وماتعِشيش تاني الخَيال
إشطُبي الحِلم الجَميل
ماهو دا رد الجَميل
إنيِ إشتَريتشك وتبِعيني
إشطُبيني
إشطُبي عُمري إللي فات
وإشطُبي مَعاه الذِكريات
إللي بِتفَكَرني بِيكي
إشطُبيني
إشطُبي أيام جَميله
عيشناها سوا
كات مُستَحيله
إشطُبيني
إشطُبيني من حياتك
إشطُبي ياحِلم عُمري
إشطُبي ياحِتَه مِني
إشطُبي ماتِترَدِدِيش
وتقولي مَعَاك أنا
كان نِفسي أعيش
الكلام دا خَلاص
خَلاص مايهِمِنيش
إشطُبيني
إشطُبي وماتخافيش
دا مَهما إن شَطَبتي
بَردوا إنتِ ماتِتنسيش
وعِلي ذِكراكي أنا
أنا راح أعيش
إشطُبيني
إشطُبيني يانِجمَه
في السَما عاليه
إشطُبيني إنتِ ياغاليه
إشطُبيني يادُنيا تانيه
إشطُبي وماتخافيش
أنا رَغم بُعدِك راح أعيش
إإن مِرضت ولا مُت
عَليا ثانيه ماتِحزَنيش
إشطُبيني وما تخافيش
ماتِترَدِدِيش
إشطُبيني
صفاء عبد ربه
