جارى التحميل
استخدم زر ESC أو رجوع للعودة
===========
انا الذبيح دمى انهار تحرق قلوب وتهلك كفار
وصرختى دى صاروخ من نار تهز كون وتعدى بحار
بابعتها للمنتقم الجبار يدبح رقاب كل الكفار
فاكرنى فرخة ولا خروف ولا حمامة او ديك معلوف
ويكبروا ده باسم الله ربى برئ منهم فى علاه
دول مسحورين وعبدة شيطان بيشربوا من الدم بحار
سلاح بيستخدمه كده كفار اعداء اجانب كتير اشرار
ويمولوهم ليل ويا نهار والكل شايف بالمنظار
لكن ده ربك بالمرصاد
ويحاولوا يعملوا فتنة كمان ويقولوا ارهاب الاسلام
لكن هلال ده مربوط بصليب والوحدة جامدة ومش حتخيب
فى الجنة انا بأصرخ واصيح اتوحدوا بقيادة الجيش
انا الذبيح وولادى اكيد حياخدوا تارى بدم شهيد
بكيت لهم ده بدم العين والرحمة حلوة وتبقى دين
قطعوا رقبتى وحطوها على جسمى سخنة وسابوها
فى غابة احنا واي زمان وحشية اكتر من حيوان
هكسوس وكفرة ولا تتار وبيحرقوا برضه بالنار
عملاء وخونة لاستعمار بيحققوا اهداف اشرار
ويقولوا بنحارب الارهاب ومن ضهرى يدوا سلاح وكباب
اتوحدوا يا عرب على طول وبصرخة واحدة تهزوا الكون
اخذوا حياتى وكمان عايزك والهم ده طايلنى وطايلك
والفتنة دايرة فى كل مكان تحرق وتدبح فى الانسان
ده خيط اخير واسمه عروبة بيحاولوا قطعه بصعوبة
بحق دمى وقلبى جريح بقى افهموا ده انا اصلى ذبيح.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
