لص الأشعار بقلم / مسعد أبوهمسة
أنا أتخنقت مــن التكــــــرار
من ناس بتنشر ليل ونهــار
وياعيني علي صاحب تلاقيه
زي مــذيـع نـشرة أخبــــــار
طــــالع ناشر نـازل ناشــــر
هو أنت يابيه شغال منشار؟
أنـا اتـخنقـت مــن التكــــرار
يذيع كــــلام مـش أبداعـــه
وعايزني أنا أحيي دراعــــه
وأقـــول له تسلم يامعلـــم
علي حق غيره مش بتاعه
واللي بيسرق مــن غيــره
لملم كــــلامه وراح ذاعـــه
ويقــــول أنا بأيـدي كـتبتـه
ولما انكشف عض صوباعه
ونشوفه يهــــرب زي الفـار
لما اتقفش لـــص الاشعار
وأنا أتخنقت مـن التكــــرار
ولما نشوف هنا أبلة وبيـه
نقلوا الكلام وما فكروا فيه
ولاعرفوا ان كان أصله صحيح
ولا أكدولنا مين اللي راويـه
كفيانا نشر بدون أفكــــــار
وسرقة حــق بدون أعــذار
واللي بيسرق حـق الــــغير
فـي أخــــرته بيــروح النار
