جارى التحميل
استخدم زر ESC أو رجوع للعودة
معرض الكتاب .. تغريدة للشاعر / أحمد بيومي
أصحابي ..
النهارده شاورت عقلي ..
أروح أزور معرض الكتاب ..
لقيت زحمه وهيصه ..
ويجى ألف جناح وباب ..
طلبت أوقع باسمي في كشف الحضور ..
بصوا لي بقرف ..
وقالوا يا أستاذ أحمد… آسفين ..
إنت إللي زيك إسمه موجود آه ..
بس تملي تلاقيه في كشف الغياب ..
بصراحه دمي اتحرق ..
ومنعت نفسي ولساني بصعوبه عن السباب ..
وصرخت معقول الكلام ده ..
وقعتكم أسود من الهباب ..
أنا كاتب كبير وإسمي يشرف ..
لو أتحط فوق أي كتاب ..
والله لأشتكيكم لمعالي وزير الثقافة ..
والمسؤل الأول عن الكتابة والكتب ..
وبعدين أفتكرت..
إن معالى الوزير إسمه السيد/ عصفور يعني موش أسد ..
وهو من إمتى ربنا خلق عصفور بمخالب وناب ..
فسكت ..
وقلت أرجع أكتب من خلف شاشه وكيبورد ..
ولما أجوع أدور عن شوية مش بدوده ..
ومفيش أي داعي أحلم بالكباب ..
الكباب ..خليه لناس بتعرف تعض ..
فشر يا أخوانا الكلاب ..
وربنا ما يحرمني منكم يا أجمل الأصحاب ..
واالله الفيس بوك بقى أعظم من أي معرض للكتاب ..
تغريدة قرف .. بقلم الشاعر / أحمد بيومي
