مجلة سهر الليالى( عتاب )**شيران دياب الكردي

( عتاب )

لو أنت قلت 
من سكات 
وصوتك كان لي 
أنا بس من زمان
كنت لقيت 
العمر جنات 
زي حبي 
مش حتلاقي
ولا فأي مكان ....

كلمة لو معانداني 
من الآهات 
جرحت قلبي وبقى
ينزف أحزان
قلت توبة يا عمر
من السكات 
أتاري الكلام بيزيد
نزفي كمان .......

انا التيهة مش 
قدرتي موج عالي
انا من غلبي مشيت 
من غير حسبان 
لقيت الشط يناديلي
و يشاورلي ويقول 
انا بر أمان 
عديت بحور 
والنفس ياويلي
مقطعني وشفت 
الغدر بكل مكان .......

لكن ريحة الربيع جاية
من حروفي تلالي
تقول للأغصان
غني معايا كمان 
وللورود من
سحرها تداري 
حمرة الخدود وتغني
أعذب الألحان

ونسمة هواء تحمل
معاها أحساسي 
على الغصون
تهادي طير هيمان 
أشكي للطير سر مغلبني 
يروح يا عيني
يطير ولهان ..... ....

شيران دياب الكردي