أول عيد م الاعياد .. مرت سنة ع الميلاد
مرت سنه على حبك .. ولسه الشوق والع منقاد
اول شمعه تنور ليّ .. انوار بالحب كانت قويه
ولسه الشمع هينور اكتر .. وان شالله ينور لحد ميه
اول ثمره واول وليد .. طرحها شجرة الحب الجديد
ولسه الثمره الجايه اكبر .. طول العمر الحب هيكبر
ويتولد الشجر من جديد .. وأول مره ابقى سعيد
أول فجر فـ ليلي الطويل .. وكان الفجر قبلك مستحيل
هل شعاعك نور ليلي .. و انا ليلي ياحبيبي معاك جميل
ياللي شفت الخير علي وشه .. زي الطير دخل عشه
عشك جنه وكل الدنيا .. جواهر مكنونه ودهب قشه
ولا يوم ابدا نبقى بعاد وان شالله يبعد عنا الحساد
ونتقابل بعد سنه فـ الميعاد .. في ذكرى الحب والميلاد
اشعار غنائية .. سعد المهدي