عيش الدنيا مرة بجد

الشاعر:محمد صبحي عمران

هي الدنيا دنيا بجد

ولا الدنيا م فيهاش حد

ولا الدنيا أوهام وكلام

وعرض القوة بشاشة عرض

عاملي فتوه ولا فندام

من أول ضربه وقع الأرض

اعقل بطل كتر كلام

واهدي وشوف ايه الحل

ولا الدنيا بتاعت عضلات

والغلبان ملهوش حد

اعقل فكر مرة بجد

طاب اعقل فكر مرة بجد

عاملي مفتح بالأوهام

وانت م تعرف تضرب حد

عاملي زعيم وأبو الابطال

وانت متعرف الطول م العرض

عاملي فتوه ولا جاكي شان

وانت قفاق اتخرم م الضرب

هي الدنيا كتر كلام

ولا قوة بشاشة عرض

اعقل فكر بس انهد

واعرف ان الدنيا دنيا بجد

ليه تنغر

وتفتح صدرك

ياما عتاوله ووقعوا الارض

وكتير الدنيا غرت ناس

وكانوا كلاب بياكلوا في بعض

اعرف ان الدنيا دنيت أخلاق

وعيش الدنيا مرة بجد

كفايه غش بقي ونفاق

وعيش الواقع فوق الأرض

وانشر فيها كلمة حب

وكسر ب ايدك شاشة العرض

بقلم : محمد صبحى عمران