بحبك

هقولك كل اللى ف نفسى
حبيتك والله يا شمسى
ويا كى أنا حاسس انى
بتكلم مع روحى ونفسى

أنا صُبحك وصاحيلك بدرى
أنا ابنك وفردلك حجرى
مستنى شعاعك ينادينى
تلا قينى راح أجيلك أجرى

راح أسابق الريح علشانك
وأحقق ليكى أحلامك
وأتوضى من نهر النيل
وأصلى يا حلوه على بابك

وأدعيلك المولى يعينك
ويداوى جرحك وأنينك
وأكون البلسم لجروحك
وأكتبلك غنوه وأغنيلك

هحكيلك كل اللى ف قلبى
ووصف لك أنا شوقى وحبى
من امتى الابن على أمه
يتذاكى أو مره يخبى

فضحانى عيونى أما بشوفك
ومانعنى م البوسه كسوفك
راح أوطى وأحضن ف بترابك
والبوسه تبقى على كفوفك

هبنيلك من تانى البيت
وازرعلك ف القلب الغيط
واطرحلك فل وياسمين
دانا عاشق ليكى وحبيت

حبيت البسمه المرسومه
حبيت اللقمه المقسومه
بناكلها وف بيت العيله
بنحلى بأُغنيه لسومه

كلمات / رضا أبو الغيط