جارى التحميل
استخدم زر ESC أو رجوع للعودة
كلنا متقسمين
جوانا ميت إنسان
و احنا متبسمين
بندوب مع الأحزان
لابسين مليون قناع
بنمثل على روحنا
و ف كون مليان خداع
بنداوى فِ جروحنا
محدش دارى بينا
و لا احنا داريين بحد
و الحزن اللى مالينا
مستنى منا الرد
بنتوه وسط الزحام
و ندوّر عالأمان
و يموت فينا الكلام
و نشيخ قبل الأوان
ما عادش باقى كتير
فِ العمر غير لحظات
يا نعيشها زى الطير
يا نموت وسط السكات
الشاعرة هناء نوار
