رسالة الي رجال الاجهزة الامنية ؟؟طهروا مصر من الاخوان العملاء قبل فوات الاواااااان وخصوصا في البنوك والمؤسسات الهامة فورا واليكم هذه الرسالة ..
حسبى الله نعم الوكيل لا بيرحمو ولا بيسيبو رحمة ربنا تنزل اموت واعرف الناس دى هتفوق امتااااا
اللى حصل معايا يا جماعه لما روحت البنك اتبرع لحساب تحيا مصر
روحت البنك واتفاجئت بالموظف "اخوانى"
رحتلو بقولو عايزه اتبرع بالمبلغ ده لحساب تحيا مصر راح بصلى من فوق لتحت وقالى المكتب التانى مش هنا
المهم روحت المكتب اللى قالى عليه طلع احقر منه
بقولو لوسمحت عايزه اتبرع بالمبلغ ده لحساب صندوق تحيا مصر
راح بصى قالى انتى راضيه عن المبلغ ده انك تدفعى قولتلو ايوا
قالى يعنى انتى واثقه انك تتبرعى بى لانى انا مش واثق
قولتلو والله انت حر فى رئيك انما انا واثقه بنسبة مليون فى المية
راح بصى كده بقرف وقالى فلوسك مش هتروح مكان ما انتى عايزه
قولتلو حضرتك تقصد ايه
قالى يعنى فلوسك هتروح لجهاز الجيش والشرطه
مرات اخويا قالتلو وايه مشكلتك لما الفلوس تروح للجيش اللى حامينا او الشرطه اللى بتأمنا
وانا رديت عليه قولتلو وبعدين الجيش مش محتاج فلوسك ولا فلوسى
راح قالى انتى فاكرانى اخوان لالالالا انا بس بقولك وجهة نظرى
قولتلو ايوا كده قول كلمة السر بتاعتكم علشان الواحد يفهم
قالى انتى لو عايزه تحطى فلوسك فى مكان اديها لحد محتاج فى ايده
قولتلو ومصر محتاجه فلوسى وانا بديهالها فى ايدها اللى هو الصندوق
المهم فضل يقنعنى انى متبرعش وقالى اصلا مفيش حد اتبرع نهائى للحساب ده
فى حين والله العظيم اهالى زوجات اخواتى واصحابى واهلى كلهم اتبرعو
وانا طبعا فضلت اقولو مش همشى غير لما اتبرع
راح كتب المبلغ اكتر من اللى قولتلو عليه لما بقولو مش ده اللى انا قولتلك عليه
قالى مقدرش اغير الورق وكان بيأدبنى
يا جماعه اللى غايظنى انه زى ما قعد يقنعنى انى متبرعش اكيد عمل كده مع غيرى
منه لله والله انا دمى محروق من الصبح
