مجلة الاذاعة والمبدعين * كلِّمينى * بقلم الشاعر : عاطف عبدالحميد )

كلِّمينى
...........

لسَّه ليل الهمس بصٌرٌخ بين عينيكى
و ْانتى ليه غاؤيه السٌكات؟
فهِّمينى
ليه خيوط النور بتهرب من عينيَّا
لمَّا أشوفِك تعصرى سيره اللى فات؟!
هوَّ ذنبى ءانى عشت العمر أدوَّر فيه علبكى؟ّ
ما اللى فات مِ العمر من أحلامى انتى
ءاللى فات مِ العمر من أحلامى ليكى
ليه بءايدِك تخنقيها؟
وبدموعِك تمسحيها
خايفه ليه لوْ ييجى بُكره
تبكى طول الليل عليها؟
.....

لملمى سيره اللى فات
وءامحى منُّه الذكريات
أصل خيط النور بيهرب
لوْ نعيد سيرة اللى فات
واللى فات كان بيحلم بالرجوع
و أمَّا طال الحلم مات
يعنى انا من غير دموع
لا و كمان من غير ألم
يبقى ءايه معني الجروح
لوْ مافيش ف القلب آآآآآآه
.......

نفسى أحلم زيّْ كل الناس و أولَّع ألف شمعه
و بدموع الشمع أمسح أى دمعه
من عيون غرقانه فى بحر السُكات
بين جفونِك....يا اللى ساكته
كلِّمينى!
أصل ليل الهمس بصٌرخ بين عينيكى!!