مجلة الاذاعة والمبدعين * جدي يا طيَِب * الشاعر عاطف عبدالحميد

جدي يا طيَِب هوَّ كلامَك زىّْ زمانك
فاتوا خلاص
بعد ما سابوا ف قلبى جراحهم
من غير دمع وليل و رصاص
لمَّا قالوا لى ..عيش بالقلب
قصدي قالوا لى ..عبش بالحب
بس بقلبى لقينى عبيط
راكب موجه فِ وسط محبط
رايح أهادن موج البحر
لجل يحن لدمع فقير
يمحى غيوم ف الكون بتدور
ترمى النور وتخلِّّى الليل..
سيف بيطيح بعيون الكل
و ءان عدَِيت و حاولت تشوف
تلقى الداره عليك بتدور
يعنى تلاوع..تسرق..تكدب
تلبس وش ..وطبع ..ولون..
لمَّا تهب الريح ..تغيَّر
و أمَّا تزيد تبقى انت صغيَّر
و امَّا تهدِّى وتنفض ريشها
تلبس وش جديد وتخون

جدى يا طيِّب فين الدرب؟
خايف وحدي أكون مجنون
عايش عُمر ماهوش أيامى
عاشق حلم ماهوش مضمون
شارب صدق و حلم وحب
ودى فو زماننا يا جدي لغات
عاشت جوَّا قلوب قبلينا
دبلت.. فاتها زماننا وفات

قول لى يا طيِّب فين الصح؟
ءاللى بءايدك فيَّا رسمتُه
و لاَّ زمان السح الدح؟ّ
خايف وحدي أكون مجنون!!!
.........