ضمير من ذهب
ضمير معدنه دهب
قلق جوانا وقال
العدل ميزانه مايل
المعادلة مش مظبوطة
فيه غلطة ف التركيب...تصحيح الخطا واجب
اللى دمه سايح دا مصرى...ومصرى هو القاتل
العقل قال يا هوه....كفاية ارحمونى
المسالة متعقدة جدا...وبقت ف غاية الصعوبة
يا خلق الله تعبتونى...دمى اتحرق ودماغى مقلوبة
قلب رهيف رد بحنية
والله يا غقل انا اكتر منك
كل واحد يبدا بنفسه....انا حيلى اتهد
شد حيلك الحكاية دى عندك
بصوا للميزان وقالوله
ايه رايه ف اللى دار بينهم
وقف ف استغراب ..ومن فوق لتحت بصلهم
وقالهم انتوا عارفين القصة وما فيها
مصر دى ام الكل وانا كلمتى بعديها
الكل اخوات ف الاخر..والحق يمشى
دا انا م اللى حاصل قربت اطق
واللى يقتل اخوه علشان كرسى
مالهوش عندى حق
