ابتسام رحمة
زعلان قلبى وحالف ما يتكلمش
بقول الاه وبتالم
وانت فى قلبى ولا تعرفش
تتوه منى والتوهه
واخداك دايما ولا تفهمش
ليه تاية وليه الحيرة حضناك
اقولك اوعى متستسلمش
استنى ليالى الفرحة
تهدينى لياليك الجارحة
تنسانى وانا منك
وتهوانى فى صوت مخنوق علشانى
اقول معذور
واحن واقول ليه والله الف عذر
ساعات يمل الصبر منى
واتوه وياه وانا فى تهتى
القيك جوايا فى قلبى قمر بيدور
اسابق الريح واطير للقاءك
وفى ثانية تنسانى عينيك
يملا الكون زخات شوق
من عيونى الغارقة
فى بحر حنين
اصبر قلبى على رحيلك
احضن هواك فى غيابك
واقول معذور
خطفته نجمة تايهة
فى سما مكسور
يضحك قلبه لو شاف
دمعة نايمة على خدى
يقرب منى وفى حضنه
اشوف الضحكة طبق بنور
يهجرنى لو بسمة
سكنت حضنى
ياخد الليل اوراقه
يطل النهار باحلامه
انسى الويل فى احزانه
يضحك ولا على باله
قلبى الواقف على بابه
مستنى دخول
يشاغل قلوب معدية
غاوية العشق والملاغية
يرجع دمعته سابقة
طريق محفور بالفرقة
واقف ليلاتى على المدنة
ادعى رب السماوات
يغفرله ويعودله قلبك مغسول
من الغياب
ولا ينكتب هوانا مجرد ذكرى
مرت فى ليل مقهور
وحكاية تطويها الصفحات
