شايفك على مقصله
بقلم محمد البلاط
شايفك على مقصله
عريانه حانيه الرأس
واقف لفيف من بشر
فى ساحه فيها حراس
شايفك ودمعك عمل
من الخدود كراس
كتب بكل اللغات
مظلومه والله يا ناس
والشكوى منك بصمت
وفرجتهم كانت ببلاش
لابسين ثوب العرب
وعقال وشمخة رأس
شايفك وأيدى مكتفه
ولا عندى اى معرفه
والعقل اتخدر من الاحساس
والعين زاغت فى السما
واتقلبت كل الامور
وسمعت صوت يوحى بشىء
معرفش ايه
اللى اعرفه
الصوت عالى لطبول
ولمحت جاى من بعيد
صفين رجال يظهر عبيد
واتقدمو من المقصله
جن جنونى دى مهزله
وصرخت صرخه بعدها
سمعت صوت المقصله
معرفش ايه اللى جرى
الا انى قومت من المنام
وجلست افسر فى الكلام
حقيقه بكتبها فى سطور
شايفك على مقصله
عريانه حانيه الراس
