.... ذئاب البشر
========= بقلم عونى هشام
غجر بتاكل بشر
محسوبه ع الانسان
زمن الديابه انتشر
والبوم مع الغربان

راح زمانى هدر
وحلم شفته زمان
دلوقتى حلمى انحدر
ونسيت اكون انسان

البنت اختى وامك
والعرض تاج ع الراس
خلاص الشرف ما يهمك
ضاع منك الاحساس

لطخت سمعة اهلك
وهاندسوك بمداس
مافى حد يوم يشفعلك
والعدل قطع الراس

ديب فى وسط الناس
بترعى ولا يهمك
وف غفله من الحراس
كانت الفريسه امك

امك واختى شرفهم
افديهم انا بدمى
وانت البعيد لو تفهم
كان قلبك صبح يدمى

عقلك مع الشيطان
والفكر راح منه
للشر ليه عطشان
ولا حد بيهمه

اليوم نقيم الحد
والعدل سيفه حد
ماليكش بينا مكان
اليوم وامس وغد

ايه ذنبها المسكيه
كانت جايه تتهنى
طعنتها بسكينه
ومعاها كانت أُمة

قلبت الفرح احزان
على بنت فى الميدان
ممكن تكون اختك..
امك .ما يهمك ...
يا ديب بنى الانسان

غجر بتاكل بشر
محسوبه ع الانسان
زمن الديابه انتشر
البوم مع الغربان
==========