الشاعر محمد البلاط
خلاص
العاميه
خلاص
خلاص يا سجنى العاجى
هروح ومش هاجى
بايع الذهب بتراب حريه
و سجنى اللى ذهب
يا ناس مش ليا
عاشق انا الجوع لو كان بحريه
وكاره لكل خضوع لو فيه حنيه
واعيش براس مرفوع
وزمامى فى ايديا
ولا انى اعيش فى قصور
واللقمه طريه
خلاص يا سجنى العاجى
هروح ومش هاجى
شبعت منكم دلال
فى زمام عبوديه
اعيش طليق فى الهوا
والمعده لو تتلوى من جوع
وقلة المايه
ولا انى اعيش فى رغد
فى ظل عبوديه
