حزين يا قلب مصر
حزين يا قلب مصر

على طول وفى كل عصر 
من يوم مينا واحمس
وانت يا قلب الوطن 
نبضك بصراخ بينزف ويسرطن البدن 
وولاد ولاد ولادك بيدفعوا التمن 
حزين والحزن اهه 
مرسومه ع الجبين
مزروع فى نن عينى 
يا موالى الحزين
يامصر ليه حزينه 
على طول السنين
وليه شعبك وعلمك
بيدوق ُمر الانين
حزينه ليه يا بلدى
وليه النور ضلام
حكامنا ليه خانوكى 
وانتى الحضن الامين
والشعب ليه بيسكت ع الظلم والانين
يابلادى ياحلوه طلى 
واسقينى ميّتك
دا النيل فى بلادى دنيا
ترويها محبتك
وانتِ يا مصر الجميله 
منساش حنيّتك
لّمّا الزمان يابلدى 
يخاصمنى واُرُد لِك
سواقيكِ ليه حزينه
والنيل فيكِ بيروى
وانتِ يامصر الاميره
م الخوف قلبّك بيدمى
والضلّمه ليه طويله 
مع انه لسه بدرى ع الليل وع الطريق 
ابنك يامصر عاشقك تراب وليل وغربه 
وبيحلم بيكى دايما 
عنقود لؤلؤ وورده
بستان ازهار وزينه
وبيحلم بيكى حره
وبيحلم بيكى دايما 
اميره فى وسط قصر 
وعظيمه فى كل عصر 
ياحته منى انتى 
يابلدى يا قلبى 
مصر