يامصر ...
رايحه لفين ؟
قوليلي : ناسِك مين ؟
ومين بيسدّ بابِك !!
ومين ساعي لخرابِك !!
ومين وراه .. داعمين ؟
ومين داعي لشبابِك !!
يكونوا منقسمين .. ؟
وانتي فى مدار تاريخِك
.. ناسِك متوَحّدين !!
        ***
يامصر ...
ناسِك مين ؟
مين اللي مندسّين ؟
ومين المطحونين ؟
المتجمّعين ؟
ولاّ المتفرّقين ؟
مين اللي وطنيّين ؟
وبمين مستقويّين ؟
باللي في الميادين ؟
ولاّ اللي مِش عارفين ؟
ولاّ اللي مِش فاهمين ؟
ولاّ اللي مِش صابرين ؟
ولاّ المتغرّبين ؟
ولاّ المتبعترين ؟
ولاّ المنبوذين ؟
ولاّ المتشعوذين ؟
ولاّ المأجورين ؟
ولاّ المتشعلقين ..
بحبال رجال دايبين
ولاّ اللي زيّف حقايق
.. ووراه يقولوا آمين !
ولاّ المهمومين ..
بيكي ليوم الدين ؟