ليه بتلون وشك
بميت ألف وش
إرحم ناسك واهلك
نازل فيهم نهش
يهنش فـ يوم لحمك
أقرب حبيب يغش
يقولك أنا من دمك
و اللي م بينكم آش
فاكر الدنيا ملكك
و الناس منك تِكّش
فوق بقىَ من وهمك
زمـن الظلم فينش
عايز تعيش برجولة
عيش بقىَ متخفش
راح زمن العبودية
والولا هو اللي يُقُش
إصحىَ قوام من قبرك
هتعيش ولا مـش
إرجع بقىَ لعقلك
يا ساكن جوة نعش
جُدرانه عِنكبوت
يلا بسرعة هش
دا القطر قوام هيفوت
و العمر ميتعوضتش
