شمهورش شوبش شنتوش
شيخنا بعمه بطربوش
رقانا هَرانا مفيش فايده
وبخوره ده يظهر مغشوش
شخصًنا ونازل تجريب
بين صبر ونبر وتأنيب
جوًعنا وعشًا المحاسيب
كلوا كله وشفطوا ما خلوش
كراماتك زيتك ودقيقك
بينًها اظهرها فى ابريقك
إنهض .. وانده لفريقك
ورينا ان شالله الفنتوش
حاويت .. ولبست الهلاهيل
لففت وراك الدلاديل
بكينا ودابت مناديل
واللي انت خاويهم ما بنوش
مستخسر فينا البركات !
ولا انت بتاع الحركات
فاتوا ميه والتعلب فات
دُوخنا ولسه ما خلصوش
فوركيشه خلاص الغميضه
اتفتحت شبابيك الأوضه
إتفضحت عفاريت الموضه
وهترجع لجحور وعشوش