مصر مش عزبه

وانتوا كذبه
من بواقى عهد فات
خلتونى اتمنى يرجع
وف اديه كل اللى مات
آه يا بلدى
آه يا كلمه
لسه بترن فى ضلوعى
لسه لقمه من ترابها
تسد جوعى
إفرض
انى ليبرالى
و لا علمانى
شيوعى
بس ابنك
حته من نبضة عروقك
يوم شروقك
يوم ما علمتينى توحيد الاله
شفت موسى وهو خارج
عشت عيسى
وانتى حاضناه بين كفوفك
خايفه من كل المداخل
والمخارج
وامنت بالاسلام
كل ركن وفيه مقام
كل ندر
وله سؤال
بالمدد والقلب الابيض
كل وقت وله ادان
يوم خروجنا للشوارع
الصليب ويا الهلال
لسه نهر النيل
بيتوضى بترابك
لسه حته فى القلوب
مافيهاش عذابك
والنبى ما تضيعيها
حبيبينا بلين..نطاوعك
زققينا حلو طبعك
افردى حضنك شويه
ده احنا رايحين
وانتى جايه