امحبت الوالدين ما فيها فرق
لميمة والبو لحنين عطفة صدق
من الله انوارها تلمع وتشرق
للوالدين لا اتكون عاصي وتخرق
الوالدين
احسن بهم وكون لامرهم طايع
لمحبتهم لا اتكون هامل وبايع
بهم استر الله وارضاه يا الهايع
عند لكبر شبعهم ولو اتكون جايع
الوالدين
اشحال من واحد كرمو ربي ببرهم
اعطاه من انواع كل خير بسرهم
لا تتنازل يوم اعجزهم واكبرهم
ولا تتخلى عند افقرهم وضرهم
الوالدين
طابع الوالدين مالو امثيل
ارعايتهم جهاد ومفتاح لكل اسبيل
طيعهم وحاسنهم انهار وليل
ولا يغرك غرار جود بكثير او اقليل
الوالدين
الوالدين شجرة اعفية بعطور
اتجند لخدمتها وانت مسرور
اقبل لا اتجف امنابعها وتغور
وتصبح اندامتك ما تحملها اسطور
الوالدين
لا تعتاقد ارضى الام يكفي وحدو
ولا تحسب البو انت من ولدو
البو غاية الرضى اياك اتجحدو
ولا تتكبر اعلى من رباك وافنى جهدو
الوالدين
قيمة الوالدين اثمينة وتصيب
ما اتعوضها ولو تحطب واتجيب
المكسي بسترهم عمر تريكتو اتخيب
ولا تتلى بيه او يخوى ليه جيب