مِش كل ناسِك يامصر
معاكي .. أو .. ضدِّك
لكن حقيقي .. يامصر
الكلّ - مانِع لّلي بيهدِّك
       ***
مش كل الناس ..
ظالمينها ..
لكن فيها ..
ناس بايعينها ..
وناس بتعينها ..
وناس واكلينها ..
وناس واجعينها ..
وناس سامعينها
في عزّ أنينها ..
وناس شايفينها ..
بتنزف منها !!
وناس بتشوّه ناس بعينها ..
وناس بتلاوع ناس ملاعينها ..
وناس بتهدّ صروح قوانينها
وناس ...........
لمّا تقول الكلمه بتوزنها .
عاشقين مصر .. وعايزينها
أم الدنيا .. والعدل ميزانها