صحراوية مغربية عيون لغزال
ناقشة بالحنة تكوي لوصال
نظراتها ليا اتورثني لهوال
وتجعلني شارد لعقل مخبول
اخدودها وردة حمرة بلاعمان
اتلالي بيا اتذوبني بكل امكان
اتسهرني ليلي اتخليني سكران
هايم بهواها غير داري مهبول
زينها امجمد دمي بلعروق
حبها اجعلني بحبالو مسروق
ما عارف اغروب من اشروق
تايه باحلامي ديما معزول
كيت بنت الصحراء ما تبرا
في اعماقي جمرة حمرا
لا اسطور نفعت ولا عبرا
يا عاشقين الود واش المعمول
حرف الزين رسمو ربي وابغاه
وانا للزين عاشق انموت ونهواه
سبحان ناقشو ومعدلو وسواه
والخاطر ما قادر ينسى يبات معلول
صحراوية مغربية وجمالها عنوان
الداخلة لعيون سمارة والطنطان
اسا بوجدور اكليميم حور لعيان
والزين امقامو بالقلب يطول
من ورززات الراشدية بوعرفة لبودنيب
طاطا زاكورة طرفاية حار لقيب
ورد امفتح انسامو مسك وطيب
واحروفو اتحير وتوه لعقول
<!--EndFragment-->
