بالسم و لا منصة ؟!
أنا قلت لأ فيس بوك
لما الشباب زنقوني
أنا قلت منها أفك
***
أنا كنت قاعد ناسي
إن الزمان اتغير
ليلاتي باصبغ شعري
و ف كل يوم نيولوك
***
تلاتين سنة مطمن
و الوضع كله تمام
بسرق و ليا عصابة
و العادلي ليا بُلك
***
معرفش ليه الدنيا
فجأة بقت شخابيط
و قالولي أنت عبيط
و طلعت منها أزك
***
يا خساره يا مريسه
رحتي براحة البال
و لا عادش فيه بغدده
و لا عادش تاني ألك
***
يا صاحبي يا مخلوع
جاي لك يا نور العين
و هنادى كل اصحابنا
و نعيش هناك و نعك
***
نصيحة للى فضل
لاخوانا م الحكام
عاوزينها تبقى تمام ؟!
إلغوا سوا الفيس بوك
