احسبها ياابنى

يلا قول لى

عرض البلد  دلوقتى كام

قال  الولد

يابيه بطول النيل بينزف دمنا 

و بلدنا عزبه صغيره

وحيطان بلدنا مخرمه

..

خابف يابيه

يسمعنى واحد مفترى

فوق الكلام

يزرع كلام ويوصله

ويحل جزرى وجزر اهلى يبعتره

وحساب بلدنا..

مش بايدى اسطره

ولا فى المقرر

قبل ماجى احضره

..

فاازاى  هانحسب ارضنا

وازاى نقيس بالروح..

حدودنا وعرضنا

لوغاريتم ضايع من زمان

بين القوسين يبقى اللسان

و المنقله والامر كان

وابن سينا ..

اتباع فى سوق الامريكان

و الجبرتى ..

داق حرير الاصفهان

و الرياضه..

اختصارها في الملاعب

و التوقع ..

يبقى اصعب م  المصاعب

غير  يابيه..

واسال سؤال مايجيبش ليا  البهدله

الحسبه برضه..

بين حدود المنقله

و الزاويه قايمه..

و التناطح بالرؤس مش هوه حل المسأله

و التفاضل ..

يعنى واحد يبقى ظله

و التكامل..

مش لكله

يعنى برضه فى الحساب ..

كل شئ يشبه لخله

الونيس يبقى ل ونيسه

و الجليس يعشق جليسه

و اليساوى..

اععتراض

و القوسين..

مش حمايه للعباد

و الأسس  ..

مش حرف ضاد

و الوطن جوه الحساب ..

مش مجرد افتراض