يا القائد الأعلى معك لآخر نفَس
عند الثوابت بانضحّي بالنفوس
دامك على المبدأ مرابط محترس
سمعاً وطاعة يا الزبيدي عيدروس
فلا يساورك القلق أو تبتئس
وكيد ربّك من على كيد البسوس
لا دقّ ناقوس المخاطر والجرس
ما خيّبوا ظنّك صليبين الرؤوس
عُد لا عرينك يا الهزبر المفترس
وقُلّ لبِن شايع على بوهم يدُوس
نظّم رجاجيلك وجيشك والحرَس
ولقّن المحتلّ باقية الدروس
خلفك رجال الموت يا كم من شرس
تتوعّد الغازين بالحرب الضروس
ما عاد شي في الأمر غامض ملتبس
ولا يختفي بدر الحقيقة والشموس
نفس الطهارة ترفض الثوب النجس
ما تقبل إلاّ لبس من عزّ اللبوس
قولوا لعُبّاد الدراهم والبيَس
اللي يبيعون الضماير بالفلوس
ضِقنا بكم والقلب بالصبر احتمس
واليوم قدها واصله لمّا القلوس
إن شي بكم عالفَيت والجِيفة هوَس
روحوا معاهم واعبدوا نار المجوس
قد ما تبعهم مننا غير الأخس
وشاة الجرَب يُفتن بها خسّ التيوس
فمصيرنا ما هو لمن قام أو جلس
ولا هو كرة في ملعب أمريكا وروس
وختامها حارق من الفوهة قبس
عَ كلّ غازي بأرضنا رام الجلوس