الجوهرى عبدالله
/سؤال..وجواب\
سألنى سؤال
فاجأنى وقال:
سهران..مع مين
من غير تفكير
وكلام كتير
قلتله وياك
ياسيد الحلوين
من غيرك مين
اسهر وياه
واشتاق رؤياه
واحلف بهواه
ميت الف يمين
قاللى:
طب هات
عينى ف عنيك
قلتله:
هتلاقى فيها عينيك
الحلوه اللى بتسحر
ملايين
مين غيرك مين
ياسيد الحلوين
وادينى جاوبت
جه دورى وقلت
وانا عندى سؤال
ادينى جواب
يرتاح له البال
وتنام العين
انا ياحبيبى
احترت معاك
غلبنى هواك
من غيرتى عليك
كتير حواليك
عاشقين..هايمين
دايبين ف عينيك
صحيين..نايمين
بيدورو حواليك
طمنى عليه
ريحنى شويه
طمنى عليك
من غيرى مين
بتشوفه عينيك
ياسيد الحلوين
جوهريات
