#التربية_المنزلية
#هااااااااااااااااااااااااااااام المقال للتربية المنزلية فقط
السلام عليكم
موضوع سهل وبسيط وخطواتة تكاد تكون معدودة ؛؛ الا وهو تربية دواجن التسمين فى المنزل .
اولا وببساطة كيلو اللحم الحى النهاردة بـ 24 جنية يعنى عما يوصلك كمستهلك ع الاقل حيكون 28 جنية وبفرض انت حتشترى فرخة 1.8 كجم يعنى سعرها حيكون 50.40 جنية .
وطبعا وعشان الهرى الكتير اللى بيتقال ان الفراخ واخده هرمونات ومنشطات ومعرفش اية طبعا ده كله هرى فى هرى ع الفاضى ؛؛ فرخة التسمين عمرها الطبيعى من 35 - 40 يوم دى طبيعتها وخصوصا ع الشغل الحديث فى الاعلاف من اضافات وبروتين .
طب ندخل فى الموضوع على طول ونختصر الوقت .
انت كمستهلك لو حبيت تجرب الموضوع وتربى فى بيتك وتشوف الفرخة بتاخد هرمونات ولا لا ومنها تأكل من انتاجك وكمان تبيع لجيرانك اللى مش عاوزين يربوا او معندهمش مكان .
الموضوع وببساطة 50 كتكوت عمر يوم بمتوسط سعر 4.50 ج للكتكوت لان سعر الكتكوت ما بين 1.50 حتى 7 جنية فخلينا متوسط السعر طول السنة 4.50 جنية والـ 50 كتكوت حيأكلوا 150 كيلو علف بمعدل 3 كيلو للفرخ الواحد يعنى 3 شكاير وليكن الشكارة بـ 400 جنية علما بأنها اقل من كده وحتصرف دواء على كل كتكوت 2 جنية مثلا وخلى بالك التربية المنزلية فى الاساس مصاريفها فى الادوية تكاد تكون معدومة الا اذا اهملت والاهمال بيكون غالبا عدم نظافة .
طب نرجع للارقام
* كتاكيت 50 * 4.50 = 225 ج
* 3 شكاير علف * 400 = 1200 ج
* ادوية 50 * 2 ج = 100 ج
-------------------------------------
يعنى اجمالى 1525 ج لعدد 50 فرخة وطبعا نقول معدل نافق 10 % يعنى 5 كتاكيت
يبقى الفرخة متكلفة 1525 / 45 فرخة = تقريبا 34 جنية
متوسط الوزن معاك هنا تقريبى 1.8 كجم يعنى الكيلو حيقف عليك بـ 18.88 ج قول 19 ج .
لا يا عم انت تركن لك 25 فرخة للاكل فى البيت وتبيع 20 للاهل والاصدقاء والاحباب بس بسعر معقول وتنظف مكانك وتجهز لدورة جديدة ومنها اكلت من انتاجك ومنها زودت دخلك .
ملحوظة هامة : مكرره للمره الثانية التربية المنزلية لا علاقة لها نهائيا بالتربية بالكيانات او التجمعات الكبيرة فهى ذات تكلفة اعلى فى كافة المدخلات لذا وجب التنويه .
يلا منتظرين اتصالك لحجز كتاكيت ولاى استفسار كمان
للحجز والاستعلام
01000858956
