بالورقة والقلم وعن طريق الحسابات العادية وليست المعقدة وبالفلاحى كدة
فدان صرفت علية 15 الف جنية وادانى انتاج اول سنة 10 طن بس بمتوسط
سعر بيع 2.25 ج للكيلو يبقى صافى البيع 22500 ج ده اللى هو اسوء
الظروف .
اية ده يعنى الارباح بتاعتى 7500 ج بس
لالالالالالالالا دوس ع الصبر كده واكتب معى بالورقة والقلم
شبكة رى وقسمها ع 5 سنين شتلالات وقسمها ع 5 سنين ده اولا
وثانيا مصروفات الارض ف السنة الاولى بقت كام يا عم اعتبرها 10 الاف
ماشى مع انها تقل بس خلينا ع الرقم ده يبقى ارباح سياتك ف السنة الاولى
12500 جنية وطبعا ده ع اسوء الظروف واسوء الاحتمالات اللى ان شاء الله
منوصلش ليها .
طب ما تكلمنى ع الواقع دلوقتى وجايز نقابلة قدام
بص يا سيدى الواقع دلوقتى بيقول اننا ف السنة الاولى بننتج حوالى 60 % من
اجمالى الانتاج بتاع الارض يعنى .........
الفدان فية 800 شجرة انثى منتجة المفروض مع متوسط 50 ك للشجرة ينتج
40 طن طب الـ 60 % كام طن = 24 طن دة عشان الشجرة لسة نموها
الطبيعى مكملش .
حلو قوى طب باقى السنين
باقى السنين بيكون الانتاج للسنة الثانية والثالثة والرابعة 100 % اما السنة
الخامسة بيبدء ينزل تانى وبيكون من 60 - 70 %
يعنى حسابات الورقة والقلم بتقول انك مصروفاتك مقارنة بمبيعاتك حاجة
ممتازة ومرضية جدا .
وخلى بالك لو انت صاحب الارض يبقى طيرت منك الايجار ده بند مهم
ويا سلام لو الارض اصلا فيها شبكة يبقى ده كمان بند وطار حيفضل معاك
سعر الشتلالات والعمالة وتجهيز الارض والتسميد اللى غالبا ميكملش 9 الاف
جنية وزى ما قولنا الشتلة حتتقسم ع 5 سنين يبقى كمان اقل .
هى كحسبة تجارية زراعية مشروع ناجح بفضل الله ومتنساش تعمل لايك
لصفحتنا
شركة شمس للاستثمار والتنمية
والى لقاء اخر بفضل الله تعالى
مع تحيات
شركة شمس للاستثمار والتنمية
الخطارة - فاقوس - شرقية
01000858956
