جميع الحقوق محفوظة لصفحة
آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
يسمح بتداول النشر والطبع ولكن بشرط ذكر المصدر
http://kenanaonline.com/MAS2008
كنا قد وعدنا سلفا بمشروع زراعى مربح جدا ومدر للارباح جدا جدا لشجرة معمره
الموضوع وبأختصار شديد ان شاء الله هو عن شجرة البابظ
هذة الشجرة التى يقدر عمرها بخمس سنوات منذ اول زراعتها
طيب اية فوائدة ؟؟؟
مواقع كتير جدا اتكلم عن الفوائد الصحية للاستخدام الادامى
النهاردة عاوزين نتكلم عنة كمشروع زراعى منتج ومدر للارباح
طب البداية منين ؟؟؟
البداية من شراء الشتلات او تحضينها فى احد المشاتل المتخصصة والمجهزة
طب لو شتلة سعرها كام سعرها بيوصل من 1 جنية - 2 جنية حسب الموسم
وتوافر الشتلات .
مواعيد الزراعة المناسبة اية ؟؟
هو دة المهم لان ناس كتير بتزرع وتلاقى الشتلة ماتت ونشفت وراح تعبها هدر
ميعاد الزراعة التمام يبدء من اول شهر مارس حتى قبل بداية ابريل وبكدة الشجرة تنتج معاك اول
محصول بفضل الله تعالى فى شهر اغسطس .
ازاى يا عم ؟؟؟
دى عن تجربة فعلية لان الشجرة دى شجرة استوائية فى الاساس وتعشق الحرارة فزرعتها فى شهر
مارس يومها يكون بيومين عن باقى شهور السنة وبكدة حفظتها البرد وتقلبات الجو السنوية .
طب طريقة الزراعة ازااااى ؟؟
الشتلات تزرع على مسافة 50 سم فى صف واحد بين كل شتلة والاخرى 50 سم ف نفس الصف
وبين كل صف وصف 3 متر لدخول الهواء والشمس للصفوف .
تزرع بكل جورة شتلة عودين او ثلاثة من الشتلة وبعد مرور شهرين او ثلاثة تقدر تخف الشتلات
عشان لانك وقتها تقدر تحدد الذكور من الاناث وطبعا الشجرة ى مخنثة ولا تحتاج لشجر ذكور للتلقيح
طب الفدان بيترع فية كام شتلة ؟؟؟
الفدان بيتزرع فية من 2000 - 2500 شتلة وطبعا عشان الخف بعد كدة بتصفى الفدان الى 1000 - 1500 عود .
طب التسميد والرعاية ؟؟؟
الباباظ من النوع اللى يتطبق علية مثل خف حبة تزيد محبة يعنى اية الكلام دة
يعنى ازرع واروى وعطش بلاش مية كتير عشان الجذور متعفنش منك وتموت الشجرة اروى وعطش
وطبعا يفضل الرى بالتنقيط للمشروع دة افضل واوفر كتير .
والتسميد .....؟
قبل انتاج الشجرة يعنى مثلا فى شهر يوليو نزل جرعة سماد عضوى وجرعة سماد مصنع ووقت الانتاج كمان
جرعة وطبعا نظافة الارض من الحشائش وخلافة مهم جدا .
طب الارض وقفت على كدة ؟؟؟
لالالالا الارض شغالة زى الفل ولو فيها محاصيل تانية زى اشجار المانجو بيخدمها وينفعها قوى قوى طب لو مفيش
والارض شغالة محاصيل زراعية ازرع وحالك ماشى ان شاء الله بس خلى اشجار البابظ فى مجارى خاصة بها .
طب بالنسبة للانتاج والعائد والارباح ....؟
اصلك بتقول انة مشروع مربح ومدر للربح ومعرفش اية
بس يا سيدى الشجرة الواحدة بتنتج 50 كيلو فى السنة وطبعا احنا عندنا فى الفدان 1000 شجرة منتجة
يعنى 1000 شجرة * 50 كيلو = 50000 كيلو سنويا * 2 جنية متوسط سعر الكيلو
اية يا عم الكلام دة انت بتهرج لية يعنى مخدرات ؟؟؟
يا سيدى الفاضل دة واقع وطبعا الكلام دة حاليا شغال مع ناس كتير جدا وفية اللى زرع فى دواخل اراضى المانجا
وفية اللى زرع فى حواف وحدود الاراضى الزراعية .
وطبعا المنتج علية سحب شديد جدا لانة بيدخل فى صناعة الادوية دة العامل الاكبر على سحبة .
طب يا خفيف هى الشجرة حتنتج كل سنة نفس الانتاج طول الخمس سنين ؟؟؟
متوسط انتاج الشجرة ف السنة 50 ك وطبعا ده متوسط وحسب رعايتك وخدمتك انت الشجرة حتقول معاك .
وخلى بالك الفدان ف اول سنة لو انتج معاك 60 % السنة الثانية والثالثة والرابعة انتاجة حيكون 100 % ويبدء يقل ف السنة الاخيرة لـ 70 %
اه قول كدة ........... طب لو سيبتة سنين تانية
حيشتغل معاك بس طبعا الانتاج بيقل سنويا والافضل انك تشيل الشجر وتجدد الارض
يعنى ازرع محصول جديد مثلا ؟؟؟
لالالالالالا غير الارض نفسها ان كنت متأجر او ان كانت ارضك ريح الارض سنة على الاقل
عشان العوامل الوراثية والامراض وخلافة .
طب التسويق بقى يا كبير ؟؟؟؟
فية تجار بتيجى تحمل الانتاج بتاعك بعد ما تعبية فى شكاير وهو اخضر او تتصل انت على المصانع
وهى بتيجى توزن وتحمل وتقبض فلوسك وانت واقف .
وختاماً من لا يشكر الناس لا يشكر الله
شكر موصول بكل كلمات العرفان بالجميل والاعتراف بالفضل بعد الله
للاستاذ شريف محمد البقرى رحمة الله على والده .
جميع الحقوق محفوظة لصفحة
آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
يسمح بتداول النشر والطبع ولكن بشرط ذكر المصدر
http://kenanaonline.com/MAS2008
دمتم بخير دائما نتمى ان تكونوا قضيتم وقت مفيد معنا نسألكم الدعاء بظهر الغيب وانتظروا المقال القادم اروع واشمل واوسع نتمى ان نكون قد استطعنا ان نوُصل اليك المعلومة بسلاسة وبساطة وان تكون استفدت منها .
وندعو الله لنا ولك العفو والعافية ولا تبخل بنشره على كل من يرغب الرزق الحلال .
