لسه قاعدين بتتكلموا؟
وتضحكوا وتسلموا
وكأن الدم البارد
جارى فيكم ولا تتالموا
لسه قاعدين بتتكلموا؟
قرارات بابتسامات
وأحضان وسلامات
لو إن ابنك كح
أو عطس
لو أن أهلك يوم
حد فيهم اترفس
كنت ح تضحك؟
كنت تحس بآهه وجرحك
كنت تحس بغيبة فرحك
طيب شوف بقى أم وليد
كانت شارية لبس جديد
كانت شايفاه يوم العيد
طاير بجناحه عليها
ومادد
ايده بيجرى عليها
وفارد
أحلامها وكل أمانيها
قدامها ومهنى عنيها
شوف بقى حسرتها الليلة
راح منها من كان ضليلة
واملها وأحلام العيلة
شوف كام طفل غيره بيصرخ
شوف كام اه فى القلب بتشرخ
وانت لساك قاعد بتلت وتطبخ
وقزازة امريكانى
فيها ميتك
ي أخى روح صلى
على ميتك
يمكن تحس يمكن
يمكن نقطة دم ترجع وتسكن
ولا لسه حتتكلموا
وبعبارتكم الباردة بتتالموا
ناموا بالخيبة
خلاص مش عيبة
ما دمتم اخركم
تضحكوا
وانتم على بعض
بتسلموا
(عربى حزين)
الشاعر عصام فؤاد