ماخلاص ياقلبى إتكلمت
وحاكينا شوقنـــا لبعضنا
بعيونها والله إستسلـــمت
والصمت ماعـــاد طبعنا
أشواقنا حضنت بعضها
وروحى راحــت عندها
ضمتها والله فى حضنها
بعد إعترافـــــنا لبعضنا
غنــى ياقلـــبى غنـــوتك
بعـــد ماحلـــيت دنيتـــك
هى هنــــاك وفرحتــــك
دا هديتــــك من ربنـــــا
إفرد دراعــك للسـما
ياقلبى وإعلى بالغــنا
إرسم بايدك ضحكتك
اليوم داعيد كله هنـــا
.................................
القروى الساخر 
عبدالهادى الشعراوى