فى حب مصر أكتب ديوان ..
أكتب قصائد بلا عنوان ..
شمسگ تدفى قلب البردان ..
حضنك يكفى كل الأجيال ..
جيل بعد جيل ..
بتربي فيه وبيكبروا ..
صبرگ طويل ..
الله عليكى .. 
أم الرجال ..
فاكرين المكان ..
والفرحة والضحكة ..
ولمتنا على أرضك ..
وأحنا عيال ..
قلبك كبير ..
بيسع كتير ..
ولا عمرك ضعفتى ..
ولا عمرك يأستى ..
ولا عندك شيئ مستحيل ..
ولادك نسور ..
يبنوا الجسور ..
يعدوا البحور ..
ولا يغرقوا ..
حفروا القناة ..
وكمان قناة ..
ولا يتعبوا ..
قلوبهم حديد ..
عصبهم شديد ..
ولادك يامصر ..
أصلهم رجال ..
نتغربوا ..
ونرجع تانى نقربوا ..
عن حبك يا مصر ..
لا نتوبوا ولا نهربوا ..
أطلبى روحى ..
أطلبى عمرى ..
أو حتى مالى وعيالى ..
كلهم فداكى ..
واقفين معاكى ..
مهما حصل ..
مهما الزمن بيكى وصل ..
هنفضل نحبك ..
ونكتب فى حبك ...
‫#‏بقلمى_نسمة_سعيد‬