تحت الطرحة
ضحكة و همسة و بسمة و فرحة
تحت الطرحة
بهجة عمر
جناين طارحة
صوَّر صوَّر صوَّر ذيع
ياحلى مذيع
قول البنت الحلوة السمرة
كتبوا كتابها فْ أجمل سهرة
تحت الطرحة
نور الخد
بياض اليد
جمال العود
تحت الطرحة
أجمل حبة
فى العنقود
لما تشوفها
صلِّى و سمِّى
بسمة ابويا و ريحة امى
تحت الطرحة
شفايف نسمة
رموش مبتسمة
عيون غزلان
تحت الطرحة
روايح فايحة
جدايل سارحة
و غصن البان
صوَّر صوَّر هات الكوشة
نور البدر هناك ع الشاشة
صور لكن 
إوعى عنيه
دمعة عينى عزيزة عليه
و انتى ياحلوة
ياللى فراقك
سهم اذانا
عيشى حياتك
بس هقولك
آخر كلمة
و انت معانا
روحى و قلبى و عقلى معاكى 
يا سمرة امانة
------------------------