أتمرغل بترابك كل يوم وساعة يا عراق...
ولا أبعد بالآه وتكتلني ألف حسرة...
حسرة أهلي وأحبابي وشوفتهم...
وأحلى لمة يم أهلي وليالينا الـﮔـمرة...
وذكرياتنا الحلوة وضحكتنا وسالفة أمي...
و ﭼـاي العصاري والمغربية وأبويه وعطره...
وحديقتنا والمنقلة وأخوتي ولمتهم...
أموت بدونك يا عراق الحنين بالشهرة...
أصل الكرم والجود أنت منو مثلك...
من اصيحن آه وحدة تجيني عشرة...
وكلها تو ﮔـفلي بالشدة لو مرّيت يوم...
وببلاد الغربة منو يعرفني ومنو اعتبره...
وين الأخ والصديق اللي انشده بالضيـﮒ...
ومنو إلي هناك والجرحي بلسم وجبره...
أحلى صوت اسمعه بيك صوت أبويه...
من يشمر بايديه الحنينة ذيـﭻ الشمره...
وأمي من تجمعنا وتحـﭼـيلنا سوالف...
عن أيام ﮔـبل وحياة السهلة والعسرة...
وصديقاتي وكل شي إلي هنا...
شسوي بالغربة لو خنـﮔـتني العبرة...
لا يا عراق ما أعوفك أبد للدوم...
شمحلاك ولو وذروني بيك ألف وذره...
..............................................هدير