مبروك عليكى الفرح
د أنا والله خدامك
برسم بريشتى الأمانى
وأبدرها فى أيامك
تطرح سنابل خير
دايبه فى غرامك
تشوف نور الشمس
تشوفيها راقصة قدامك
وصوت البلابل يغنى
بصوت انجيلك واسلامك
ويقولك ياغاليه علينا
حققنا ليكى أحلامك
مبروك عليكى قنالك
يا حلوة الحلويين
يا منورة فى قلوبنا
يا أم التاريخ والدين
قومى رفرفى بشالك
وأهدى الفل والياسمين
لآبطال حققوا معجزة
وخلوا القناه قناتين
سميهم نسور الخير
وعلى حفر القناة شاهدين
وبزمن الشمس سنة
لقينا سفن العالم ماريين
رافعين اعلام الفرح
وعليها الرجال حاملين
علمك يا ست الكل
وحباة العرق نازلين
بيحكوا تاريخ نضالهم
وسط الرمال والطين
بيقولوا تحيا مصر
فيها الرجال قادرين
يحولوا صخر جبالك
لواحة من البساتين
ويرفعوا فى العلالى اسمك
وفى وسط ناس حاقدين