لو تدري شگد تمنيت...
ارتمي بأحضانك من اشوفك...
ولو تدري طاحت دمعتي...
لأن عيني ما رادت تعوفك...
ولو تدري الحنيه اللي شفتها...
من شفايفي لامست چفوفك...
واهتزت كل عظامي وارتعشت...
من شفافك لمست چفوفي...
وضاعت بذيچ اللحظة حروفك...
ودورت كلمة أگولها ما گدرت...
يم نظرة عيونك تاهت الچلمات...
وضاع خوفي وتاه وية خوفك...
خفت هواي من هاي اللحظة...
ومن حضنت چفوفي قدرت ظروفك...
وحنية كل السنين الراحت...
حسيتها بذيچ اللحظة وتمنيت...
ما تعوفني أبد وتكمل معروفك...
يا ريت ذيچ اللحظة تصير سنين...
ونعيش بلايه ألم وبلايه أوفي وأوفك...
يا جرف الحنين وموج گلوبنا العطشانة...
عوفني شوية بأمل غرگان ومأيس...
خليني اتوسد براسي على چتوفك...