دمعه
.....
ف ابتسامة يومي .. دمعه
حنى حلمي ف نومي .. دمعه
كل شئ قُدّامي رافض
ف الضلام يوهبلي شمعه
كل لحظه باقول يا دنيا
دنيتي ما كانتش سامعه
أنزوي ويّا انهزامي
وابتدي أنعس وانام
ألقى ألف كابوس يزورني
فجأه يحتلّوا المنام
أنتفض من نومي واصحا
ع الدموع وعلى الألام
وابتدي العيشه البليده
واهي عيشه .. والسلام
كل مرّه بامنّي نفسي
إن بُكره الجي أجمل
وان لمّا الدمع يخلص
تبتدي الضحكه اللي تكمل
بس بالقى دموعي شاطره
جيّه م البحر الكبير
عمرها أبدا ما جفّت
زي ما تكون المصير
كل ساعه تزورني وابقى
زي طير بجناح كسير
وابقى دايما ف انكساري
دمعه جايبه ف إيدها دمعه
ف ابتسامة يومي دمعه
حتى حلمي ف نومي دمعه
كل شئ قُدّامي رافض
ف الضلام .. يوهبلي شمعه
......................................
.........................................بقلمى / قوت