الدمعه كابته ضحكتي
طالع نفس مخنوق
والحزن طوق سكتي
ملفوف عليها ألف طوق
محتاج أنا
حبة هدوء
العشق بذرة حلم لسه ف صبحنا
بيشم ريحة الروح عطور
ويا الهنا
كان فيه معاد
قلوبنا مشتاق ل وداد
حضن الشفايف ف الدفا
غطي وزاد
جسم المحبه في الهوي
ملفوف بذوق
مالحقش يحتضن في اللقاء رقصة وداع
طال الانتظار
حبيبتي دبل وردها
عمر المرار
من قهرها
بدل الخضار
بانت شقوق
يا عمر مليان بالوجع
أخلص بقي
ياتفكني
يا تشد حبل المشنقه
ينزل رزيل الجسم جوه المقبره
والروح تقابل ربها
جايز تفوق
(تنهيدات صلاح يوسف)