خلصت كل الكلام
وقلمى بقى فاضى
وسطرى نايم يرتعش
على ورقة من الماضى
كلامها كلوا مرار
والحكم كان قاضى
باعدام حروفى قصادى
وجهلهم كان السجان
وكل أبيات القصايد
هدموها فى كل مكان
وحذفوا كل أفكارى
ورموها فى بير أحزان
خافوا لتكشف سترهم
أو تفضج خسيس وجبان
وأنا فنان .. وريشتى
على الورق قلم مسنون
ومصر هى روايتى
برسمها عروس الكون
وأجمل زهرة فى العالم
انشالله قيامتى تقوم
ومهما يعملوا فيا
لا أنا ولا قلمى
فى يوم هنخون