بيجى رمضان
ونفتكر الذكريات
لما كنا صغيرين
كنا بجد زمان
بنحب كتير حاجات
حتى لو مش فاهمين
بنحب اللمة ساعة الفطار
و لعب الكورة طول النهار
بنحب صوت الشيخ رفعت
و نسمع قبلها الشعراوى
بنستنى ابتهالات النقشبندى
و نستنى صوت سيد مكاوى
بندوق أحلى كنافة و قطايف
و بعدها أحلى كوباية خشاف
نقوم بعدها ع الصلاة ناوى
بنفرح قد إيه بالتراويح
و الصلاة ويا التسابيح
جوه القلوب راحة و تفاريح
بنستنى إسامينا بالدور
لما ينده علينا المسحراتى
بيفكر الناس بالسحور
طول رمضان ليلاتى
قوم يا محمد
قوم يا حسين
قوم إتسحروا
أنت فين
نقوم نرد
بكل حب
و كل ود
صاحيين يا عم نجاتى
...................................... ف 11 / 6 / 2015
من صفحة الشاعر / شعبان مكى شاعر عامية