لما بينطق الوجع
يكتب بإسمـِك ألف بيت
ويزوقوه بطعم السكوت
ويلف كل البيت تابوت
لون المرار
والعنكبوت
عشـِّش وعامل
ألف دار
غـطـّى الجدار
والزرعة منه بألف عود
كل الشجر
صبار حزين
أوراقه من لون الأنين
وانا وانت زى اتنين شقا
أحزاننا ليه متعشـَّقة
بتلف فينا طاحونة سودا
بلون حبال المشنقة
دة حرام بقى
أنا كل ما افرح
ألف حزن يهـِدّنى
واجرى عليكى
ألاقى نار بتشـِدّنى
حضنك يشوك قلب قلبى
ليه كدة ؟؟؟
غناويكى حتى فى الـفـَرَح
متعـَوّدة
لابسة السواد
والطرحة سودا مـعَـدّدة
إمتى يا بنت الناس نفوق ؟
وندوس على الأحزان نروق
بدرى علينا الهم دة
كنت افـتـِكـِر ...ضـَهـرِك سـَنـَد
واحسب سنينى بقربى منك
واغلط فى عمرى بالعدد
سافرت لاجل ما افـرَّحـِـك
خمسين بـَـلـَد
وعاشرت غربة ليل حزين
واستحمل النار والمرار
وانا بانكوى
حـَـلـّفت قلبك باللى بيننا
لا تفـرَحى
إوعى فى يوم الحزن
يطبع ملمحى
على طرحتك
ورينى ضـِحـكــة
حتى بسمة
... لمـَّـحــــى
وانسى اللى كان
وانا احاول انسى
إلا أيام الفرح
وقت اللقا
خليها دايماً
فى القلوب
عمرها ما تتمحى
.........
بــقـــلــــــم ا لـــشـــــا عــــــــر
أ بــــو عـــمــــــا ر ا لـــمـــصـــــــــر ى