يااااه
وبدأت تدق وتتحرك
وتشق الضلع
اللى بقاله سنين ساكت
وأنا
فاكرك ميت
ومشاعرك وياك
أهى برضه كمان ماتت
ما أنا سايبك
مجروح من فترة
وياما قلوب عدت
دقت على بابك
ونسيتها وفاتت
ولاقدرت فرحه
ف مرة تهزك
وتغير كل الامك
وانا بسمع من يومها كلامك
وبدور وياك
من صمت لصمت
وجرح لجرح
وكأن الفرح
ملامحه ماتعرفناش
ف بلاش
تانى تصدق
خبطه ايد على بابك
وأسمعنى جنابك
قلبى
وعارفك لما بتضعف
ممكن ترمينى ف بحر هموم
أتفضل قوم
طفى الشمعه
اللى بترقص
جوة الشباك
وكمل
نوم
2\6\2015