هو الكلام . رغم الوجع
ومشكــِّلـُه بقـَهر اللى حاصِل
وكتير اقول ...قلبى اتوجع
والحب فيكى بالمقالب
والشناكـِل
لا انا قادر اخرس وانكتـِم
واعمـِل عـَبيط
ولا مرة كلمة من كلامى تـِتسمـَع
بادَّن فى مالطة ......؟؟؟؟؟
ولا كلامى راح هـَدر ؟
نقطة ف محيط
لو عاملة طرشـَة ؟
هاعمـِل اخرس واتـعـِمـِـى
واقطع لسانى واعيش عبيط
وهاشوف لى توب
بنسيج يدارى جرحى منـِّك
رغم إنك ..
جرح نازف فى الوريد
مـِش بعيد
ألبـِس شـِوال
واربط رقبتى ف ألف سـِبحــة
ومـَـبـخـَـــرة
وامشى على الله بدون هدف
بـَسّ لـــــــــوَ رَ ا
واحد ..يشاورو الناس عليه
مجاذيب كتير
دراويش ..مفيش...
بينك وبينى غير قـَشـَف
عشـِّش على كعوب الطريق
ورصيف يبات الليل على صـِدر الـوَجـَع
والصـُّبــح يـِسـرح بالـبـخـــور
حالف يحـَبـِّـل ألف ضلمة
بألـف نـــور
والضـُّهـــر يـِشـرب م الـتـِرَع
درويش وزاده
مــُر عـيـــش
تسابيحـُه ليكى
رغم قسوة عـِشرتـِك
وعنيكى.... قبلة للصلاة
خمسين صلاة
حافـَظ فروضـِك والـسـُّنـَن
حتى النوافل..والبدع
شـَكل الـمـِحـَــن
وانت اللى عايقة
رايقـة لايقـة ع الدلـَع
لو كان بإيدى ؟
كلمة من أبغـَض ما حـَلـِّل ربـِّنــا
وخلـِصت انا
وارتحت من عـِشرة
تـِحـَلل دَمـِّنــا
يا مـؤمـِـنــــة
طلـَّقت لاجلـِك كل راحة
وارتضيت ذلى .بسـَماحة
وانت كارهة للصراحة
دمـِّى كان عـِشق اسـتـِبـاحـة
وانت بايتة مـُسـتـبـــاحــة
عايزة إيه ؟
عايزة إيه منى بقى ؟
من يوم ميلادى
عـِشـرِتـِـك كـِسـوِة ألـَـم
واحـلـِف لاغادر
واعمل انـِّى ...
قلبى فـاجـِـــر
لسـَّـة قــادر
يـِرضى هـَجـرك واهـجـُـرِك
يرجـَع .....يرجـَّعـنـى لـِحــُضـنـِـك
مربوط وريدى ف طـَرف عـيـنـِـك
بالسـَّلاسـِل
واخـتـِـرِع أعذار واسامحـِـك
واغزل التباريح ..أمـاثـِـل
عـُمـرى ما يوم كـُنـت فاعـِل
وانت فاعلة وجـَرَّة عمرى
شـادَّة ألف حزام عليّ
وبرضـُـه قابـِـل
دمى على أرضك سنابل
يطرح... يمـيـِّل ع السواقى
وشوش الأمل اللى باقى
ارحمى شوقى بقى
ارحمى خوفى بقى
يا تعلقينى ف مشنقة
واستنـَّى حـِلمى باللقا
يمكن يكون مكتوب لنا
على طرف حبل المشنقة
إسمى وإسمك بالغـَضـَب
وابقى أنا .المفعول به
وانت اللى برضو تكونى فاعل
.........
بــقــلـــــم ا لــشـــــا عـــــــــر
أ بــــو عـــمــــــا ر ا لـــمــــصـــــــــــر ى